மேச லக்னத்திற்கு சூரிய தசா எப்படியிருக்கும்?

மேஷ லக்னத்திற்கு பூர்வ புண்ணிய ஸ்தான அதிபதி பொறுப்பினை ஏற்கும் சூரியன் லக்னத்தில் இருக்கும் பொழுது உச்சம் பெறுவதால் ஜாதகருக்கு நல்ல அந்தஸ்து, மதிப்பு, மரியாதை, கௌரவம் போன்ற பலன்களை இயல்பாகவே கொடுப்பார்.சனி, ராகு போன்ற கிரகங்களின் தொடர்பினை பெறாமல் மற்றொரு சுபரான குருவின் பார்வையை பெற்று தசா  நடத்துவது ஜாதகருக்கு மிகப்பெரிய உயர்வை அளிக்கும். சமுதாயத்தில் நல்ல மதிப்புமிக்க பதவிகளையும் அந்தஸ்தையும் சூரியன் தருவார். புத்திர ஸ்தானத்தை குறிப்பிடும் ஐந்தாம் வீட்டு அதிபதியாகவும் சூரியன் இருப்பதால், புத்திர காரகன் குருவும் நல்ல நிலையில் இருந்து விட்டால் குழந்தைகள் வகையிலும் நல்ல மேலான பலன்களை ஜாதகருக்கு தருவார்.

தந்தைக்கு காரகிரகம் லக்னத்தில் உச்சம் பெறக்கூடிய காரணத்தால் தந்தை வகையிலும் நல்ல செல்வாக்கு மற்றும் அந்தஸ்தை ஜாதகருக்கு சூரியன் தருவார்.சுக்கிரனுடைய இணைவை பெறுவதும் நல்ல நிலையே.லக்ன பகைவரான மற்றும் ஆறாம் இட ஆதிபத்தியம் பெற்ற புதனுடைய இணைவை பெறாமல் இருப்பது நல்லது.

சுக்கிரனுடைய இணைவைப் பெறும் பொழுது இவருக்கு அமையக்கூடிய வாழ்க்கைத் துணை  அதிகாரம் மற்றும் ஆதிக்க மனோபாவம் உடையவராக இருக்கக்கூடும். ஜாதகர் அதிக தன்னம்பிக்கை உடையவராகவும் இக்கட்டான சூழ்நிலைகளையும் திறம்பட சமாளிக்கும் நிர்வாக திறமை பெற்றவராக, கண்டிப்பான சுபாவம் உடையவராகவும், சகிப்புத்தன்மை அற்றவராகவும் இருப்பார்.  திருமண வாழ்க்கையில் தனது அதீத கர்வம், முன்கோபம் போன்றவற்றால் பிரச்சனைகளை சந்திப்பவராகவும் இருக்கக்கூடும். #Iniyavan 

இரண்டாம் இடமான ரிஷபத்தில் இருப்பதை பொருத்தவரை ரிஷபம் அவருக்கு பகைவீடு என்றாலும் இயற்கை சுபரின் வீடு என்பதால் பெரிய கெடுபலன்களை  தருவதில்லை.

இரண்டாம் இடமான குடும்ப ஸ்தானத்தில் ஒரு பகை கிரகம் இருக்கும் பொழுது ஜாதகர் தன்னுடைய பேச்சு, குடும்பம், பணம் சம்பந்தப்பட்ட விஷயங்களில் சற்று எச்சரிக்கை உடையவராக இருத்தல் அவசியமாகும்.

வாக்குஸ்தானமான இரண்டாம் வீட்டில் அரை பாபர் என்று அழைக்கப்படும் சூரியன் இருக்கும்போது தன்னுடைய ஆணவமான விரோதங்களை சந்திக்க நேரிடும் என்பதால் பேச்சு விஷயங்களில் கவனம் தேவை. ஐந்தாம் வீட்டு அதிபதி தனஸ்தானமான  இரண்டாம் வீட்டில் இருப்பது பணம் சார்ந்த விஷயங்கள் நல்ல பலன்களை ஜாதகருக்கு தரும்.

குழந்தைகளுக்காக அதிகம் செலவழிப்பவராக ஜாதகம் இருக்கக்கூடும். சனி, ராகு தொடர்பினை பெறும்போது ஜாதகருக்கு கண் சார்ந்த பாதிப்புகள் வரக்கூடும்.

மூன்றாம் இடமான மிதுனத்தில் சூரியன் இருப்பதை பொறுத்த வரை மிதுனம் அவருக்கு நட்பு வீடு. அதுமட்டுமின்றி தன்னுடைய ஐந்தாம் வீட்டிற்கு லாப ஸ்தானத்தில் இருப்பதால் ஐந்தாமிட நற்பணங்களான நல்ல குழந்தை, அதிர்ஷ்டம்,  நல்ல ஞாபக சக்தி, புத்திசாலித்தனமாக செயல்படும் தன்மை போன்ற பலன்களை ஜாதகருக்குத் தருவார். முயற்சி ஸ்தனமான மூன்றாம் வீட்டில் சூரியன் இருக்கும்போது ஜாதகருக்கு நல்ல கடினமான உழைக்கும் சுபாவத்தையும், சுய முன்னேற்றத்தையும் சம்பாதிக்கும் ஆற்றலையும் தருவார். #Iniyavan

நான்காம் இடமான கடகத்தில் சூரியன் இருப்பதை பொருத்தவரை அவர் பத்தாம் வீட்டை பார்ப்பதால் ஜாதகருக்கு தொழிலில் நல்ல செயல்பாடு உறுதியினைத் தருவார்.அதோடு நான்காம் இடம் குறிக்கக்கூடிய நிலம், பூமி, வீடு, வாகனம், தாயார் வகை ஆதரவு போன்றவற்றிலும் அதோடு கல்வி சம்பந்தப்பட்ட விஷயங்கள், மூதாதையர்

சொத்துக்கள் போன்றவற்றிலும் நல்ல பலன்களைச் செய்வார்.ஜாதகரின் தாயார் நல்ல நிர்வாகத் திறமை உடையவராக இருப்பார்.

ஐந்தாம் இடமான சிம்மத்தில் சூரியன் இருக்கும் பொழுது ஜாதகருக்கு கல்வி சம்பந்தப்பட்ட விஷயங்கள் உயர்கல்வி வாய்ப்புகள், அந்தஸ்து, நல்ல நினைவாற்றல், தனது தனது புத்திசாலித்தனத்தை பயன்படுத்தி லாபம் ஈட்டும் திறன், சுறுசுறுப்பான நல்ல குழந்தைகள் போன்ற பலன்களைத் தருவார். பொதுவாக ஐந்தாம் வீட்டில் பாப கிரகங்கள் இருப்பது தீமையாகும். அந்த வகையில் சூரியன் அரைப்பாபர் என்பதால் மேற்கண்ட பலன்களில் சற்று குறைபாடுகளையும் தருவார். #Iniyavan

ஆறாம் இடமான கன்னியில் சூரியன் இருப்பதை பொருத்தவரை அது அவருக்கு  நட்பு வீடு என்றாலும் ஐந்தாம் அதிபதி ஆறில் மறையக்கூடிய காரணத்தினால் புத்திர பாக்கியம் சம்பந்தப்பட்ட விஷயங்கள் ஜாதகருக்கு தாமதமாக வாய்ப்புண்டு. Iniyavan

பெற்றோர்களுக்கு காரக கிரகங்களான சூரியன் மற்றும் சந்திரன் மறைவு ஸ்தானங்களில் இருக்கும் போது பெற்றோர் மீதான ஈடுபாடு மற்றும் பாசம் குறைய நேரிடும். அவ்வகையில் இங்கு தந்தையின் அணுகூலம் மற்றும் ஆதரவு ஜாதகருக்கு குறையக்கூடும்

உத்தியோகத்தின் பொருட்டு ஜாதகர் இடமாற்றங்களை சந்திக்க நேரிடும். கல்வி சம்பந்தப்பட்ட விஷயங்களிலும் ஜாதக தடைதாமங்களை சந்திப்பார்.

உத்தியோகம் சம்பந்தப்பட்ட விஷயங்களில் நல்ல திறன்களை பெற்றிருந்தாலும் மேலதிகாரிகளுடன் அவ்வப்போது சண்டை சச்சரவுகள் மற்றும் கருத்து வேறுபாடுகளை சந்திக்க நேரிடும் என்பதால் நிதானத்துடன் நடந்து கொள்வது அவசியமாகும்.

ஏழாமிடமான துலாத்தில் சூரியன் இருக்கும் பொழுது நீசம் பெற்ற நிலையில் இருப்பார்.சனி மற்றும் ராகு தொடர்பினை பெறாத வரை பெரிய பாதிப்புகளை செய்ய மாட்டார். குரு மற்றும் சுக்கிரன்  தொடர்பு பெறுவது நல்லது.பொதுவாகவே சூரியன் ஏழாம் வீட்டில் இருக்கும்போது தாமத திருமணம் முரண்பாடான அல்லது ஆதிக்க மனோபாவம் நிறைந்த  கண்டிப்பான வாழ்க்கை துணை அமையக்கூடும்.

சனி மற்றும் ராகு தொடர்பினை தொடர்பினை பெறும் பொழுது, தான் இருக்கக்கூடிய பாவகம் ஏழாம் பாவகம் என்பதால் மணவாழ்க்கையை பாதிப்பார்.

அதோடு கூட்டு தொழில், நண்பர் சம்பந்தப்பட்ட விஷயங்கள், தந்தை மற்றும் குழந்தைகள் வகையிலும் சாதகமான பலன்களை எதிர்பார்க்க இயலாது.இங்கு இருக்கக்கூடிய சூரியன், சந்திரனுடன் இணையும்போது அரசியல் சார்ந்த நற்பலன்களை லக்னாதிபதியின் வலு மற்றும் யோக தசாபுக்திகளுக்கு ஏற்பச் செய்வார். #Iniyavan

எட்டாம் வீடான விருச்சகத்தில் சூரியன் இருப்பதை பொறுத்த வரை சம்பாத்திய கிரகமான சூரியன் எட்டில் மறையும் போது பூர்வீகத்தை விட்டு வெளியிடங்களில் சென்று உத்தியோகத்தினை அமைத்துக் கொடுப்பார்.உத்தியோகம் மற்றும் வருமான விஷயங்களிலும் நிலையில்லாத தன்மை இருக்கும்.தந்தை வகையிலான ஆதரவு குறைவாக இருக்கும்.ஐந்தாம் அதிபதி எட்டில் மறைவதால் அவ்வப்போது ஜாதகர் கௌரவ பங்கத்தினை சந்திப்பார்.அதோடு குழந்தைகள், மூதாதையர் சொத்துக்கள் போன்றவற்றிலும் சிரமங்களை எதிர்கொள்ள நேரிடும். சுப கிரக தொடர்புகள் இருப்பது பாதிப்புகளை குறைக்கும்.

ஒன்பதாம் இடமான தனுசுவில் இருப்பதை பொருத்தவரை அவருக்கு நட்பு வீடு அதோடு முழு சுபரான குருவின் வீடு. தன்னுடைய வீட்டிற்கு ஐந்தாம் வீட்டில் இருப்பார். அந்த வகையில் தன்னுடைய ஐந்தாம் இட ஆதிபத்திய பலன்களான நல்ல குழந்தைகள், பூர்வீக சொத்து பத்துக்கள், தெய்வ அனுகூலம், நல்ல ஞானம் போன்ற நல்ல பலன்களைச் செய்வார்.அதோடு அதிகாரமிக்க பதவிகளுக்கு செல்வதற்கான வாய்ப்பு, சமுதாயத்தில் நல்மதிப்பு, அந்தஸ்து, கௌரவம், நல்ல தன்னம்பிக்கை, தந்தை வகையில் நல்ல அரவணைப்பு போன்ற பலன்களைத் தருவார். #Iniyavan

பத்தாம் இடமான மகரத்தில் சூரியன் இருப்பதை பொறுத்தவரை அது அவருக்கு பகைவீடு என்றாலும் திக்பலம் அடையக்கூடிய காரணத்தினால் தொழில், வியாபாரம் போன்றவற்றில் ஜாதகரின் முயற்சிக்கு ஏற்ப நல்ல பலன்களைத் தருவார்.

பகை வீட்டில் வலுப்பெறக்கூடிய கிரகங்கள் தனது காரக மற்றும் ஆதிபத்திய பலன்களை ஜாதகருக்கு தருவதில்  போராட்டங்கள் இருக்கக்கூடும் என்பதால் தொழில் சம்பந்தப்பட்ட விஷயங்களில் நிலைபெறுவதற்கு ஜாதகருக்கு சற்று கூடுதல் முயற்சிகள் தேவை. #Iniyavan

 பதினொன்றாம் வீடான கும்பத்தில் இருப்பதை பொருத்தவரை கும்பம் அவருக்கு பகைவீடு என்றாலும் தனது வீட்டை தானே பார்ப்பார். பகை வீட்டில் இருந்து பார்ப்பதால் லாப விஷயங்கள் மற்றும் குழந்தைகள் வகையில் ஓரளவு மட்டுமே நல்ல பலன்களைத் தருவார்.

மூத்த சகோதர உறவை சுட்டிக்காட்டும் பதினொன்றாம் வீட்டில் பகை கிரகமான சூரியன் இருப்பதால் மூத்த சகோதரர் வகையில் கருத்து மோதல்களை  சந்திக்க வாய்ப்புண்டு.பகை வீட்டில் இருப்பதால் தனது காரக, ஆதிபத்திய பலன்களை சிறிது போராட்டங்களுக்குப் பின்பே ஜாதகருக்கு செய்வார்.

12-ம் இடமான மீனத்தில் சூரியன் இருப்பதை பொருத்தவரை அது அவருக்கு நட்பு வீடு என்றாலும் லக்னத்திற்கு பன்னிரண்டிலும், தன்னுடைய ஆதிபத்திய வீட்டிற்கு எட்டிலும் மறைவதால் பெரிய நற்பலன்களை செய்ய மாட்டார். 

அதிர்ஷ்டமின்மை, உயர்கல்வியில் தடை, தாமதங்கள், தந்தை வழி சொத்துபத்துக்களை அனுபவிப்பதில் பிரச்சனைகள்,தந்தையுடன் நல்ல உறவு பேண முடியாத நிலை, குழந்தைகள் வகையில் சிரமங்கள் போன்ற எதிர்மறையான பலன்களை ஜாதகர் எதிர்கொள்ள நேரிடும்.

சம்பாத்ய காரகன் என்று அழைக்கப்படக்கூடிய சூரியன் லக்னத்திற்கு 12ல் மறைவதால்

ஜாதகரை தொழில் மற்றும் வருமானம் சம்பந்தப்பட்ட விஷயங்களில் நிலையாக வைத்திருக்க மாட்டார்.குரு மற்றும் சுக்கிரனுடைய தொடர்பை பெறுவது நல்லது. மேஷ லக்னத்திற்கு பகைவரானஆறாம் ஆதிபத்தியம் பெற்ற புதனுடைய இணைவை பெறாமல் இருப்பது நல்லது. #Iniyavan

சூரியனால் ஜாதகருக்கு கிடைக்கக்கூடிய நற்பலன்களான  அந்தஸ்து, மதிப்பு, மபதவி போன்றவை லக்னாதிபதியின் வலு மற்றும் பலவீனத்திற்கு ஏற்ப 

கூடுதல் குறையாக அமையும்.சூரியனுக்கு வீடு கொடுத்த கிரகத்தின் நிலை, சூரியனுடன் இணைந்த கிரகங்களின் நிலை இவற்றைப் பொறுத்து பலன்களில் மாறுபாடு இருக்கலாம்.

சனி மற்றும் ராகு தொடர்பினை பெறும் பொழுது சூரியன் தான் நின்ற வீட்டின் ஆதிபத்திய பலன்கள், தன்னுடைய ஆதிபத்திய மற்றும்  காரகத்துவ பலன்கள் போன்றவற்றை பாதிப்பார்.சுபர் தொடர்பிருப்பில் தொடர்பிற்கு ஏற்ப பிரச்சனையின் வீரியம் குறைவாக இருக்கும்.

சூரியன் பாதிக்கப்பட்ட நிலையில் இருக்கும் போது இவர்கள் அனுதினமும் சூரிய வழிபாட்டை கடைபிடித்து வருவது நல்லது.சூரிய உதயத்திலிருந்து இருபது  நிமிடங்களுக்குள்ளாக ஆதித்யா ஹருதயம் அல்லது சூரிய காயத்ரி மந்திரம் சொல்லி சூரிய பகவானை வழிபட்டு வர வேண்டும்.

ஞாயிற்றுக்கிழமைகளில் வரக்கூடிய பிரதோஷ வழிபாடுகளில் கலந்து கொள்வதும், ஞாயிற்றுக்கிழமைகளில் முடிந்த வரை அசைவம் தவிர்ப்பதும் 

நல்லது. இதோடு வாழ்வியல் பரிகாரமாக தந்தையை மதித்தல்,தந்தையுடன் அனுசரனையுடன் நடந்து கொள்ளுதல்,தந்தையின் நியாயமான தேவைகளை பூர்த்தி செய்தல்,

தந்தையை  ஒத்த வயதுடையவர்கள் பொருளாதார ரீதியாக கஷ்டப்படும் பொழுது அவர்களுக்கு தேவையான தம்மால் முடிந்த உதவிகளை செய்து வருவதும் நல்லது.

நன்றிகள்..

Astrologer

ப.இனியவன் கார்த்திகேயன் MA B.Ed

Cell 9659653138

ஜோதிடம் மற்றும் ஆன்மீகம் சம்பந்தப்பட்ட தகவல்களை பெறுவதற்கு இணைந்திருங்கள்..

https://t.me/Astrologytamiltricks

https://whatsapp.com/channel/0029Va5vrDNJZg3zsfvet23T